बीरगांव रईपुर में होइस तहसील साहू संघ के चुनई

    सुरेंद्र जैन धरसीवां

शनिवार को मजदूर नगर सरोरा में रईपुर जिला ग्रामीण साहू संघ के देखरेख में तहसील साहू संघ बीरगांव के चुनाव संपन्न हुए।

तहसील साहू संघ बीरगांव रईपुर म चार परिक्षेत्र आथे जेन म ग्राम इकाई साहू समाज हाबय। परिक्षेत्र अउ बीस ग्राम इकाई साहू समाज के 118 मतदाता मन तहसील साहू संघ के नावा पदाधिकारीओ का चुनई करिच । जेमा गरीब मजदूर ल न्याय देवाईया दबंग सियान बेदराम साहू पार्षद ह अध्यक्ष बर आपार बहुमत के संग निर्वाचित होईश । बेदराम साहू के निर्वाचित होवत म जम्मो साहू समाज म खुशी उसव लहर देखेबर मिलिस फटाके फोड मिठाई खवा खुशी मनाईस बेदराम साहू ल अध्यक्ष के रूप मे पा के पूरा साहू समाज म नावा ऊर्जा के संचार होगे पुरा तहसील क्षेत्र म जमके खुशी देखेबर मिलिस संगे संग

चुनई म निर्वाचित होके अवईया पदाधिकारी मन के सूचीअईसन हे। अध्यक्ष बेदराम साहू , उपाध्यक्ष जीवन साहू , महिला उपाध्यक्ष श्रीमती प्रतिमा साहू , कोषाध्यक्ष केहरु साहू , संगठन सचिव देवेश्वर साहू , महिला संगठन सचिव श्रीमती उमा साहू। रईपुर जिला ग्रामीण साहू संघ के अध्यक्ष श्री देवनाथ साहू जी ह सबो झन के निर्वाचन के घोषणा करिन हे।

मीडिया प्रभारी कमलेश साहू जानकारी दीन हे कि जिला साहू संघ के वरिष्ठ पदाधिकारी अउ निर्वाचन अधिकारी डाॅ दुजे राम जी के सूज बूज ले तहसील साहू संघ बीरगांव के चुनई बहुत शान्ति अऊ सुग्घर ढंग ले होईस। चुनई म प्रदेश के नियमावली के अनुसार सम्पन्न होईस।

ए बेरा म बीरगांव तहसील के अंतर्गत अवईया चारों परिक्षेत्र के सैकड़ों स्वजातीय साहू भाई, बहिनी मन संघरिन अऊ तहसील साहू संघ चुनई के साक्षी बनीन। मजदूर नगर सरोरा भक्त माता कर्मा, दानवीर भामाशाह के जयकार ले गूंजत रीहिस।

तहसील साहू संघ बीरगांव के पूर्व अध्यक्ष श्री लालकुमार साहू जी के धन्यवाद संबोधन अऊ राष्ट्रगान के संग कार्यक्रम ल समापन करे गिस। ओमप्रकाश साहू पूर्व सचिव तहसील साहू संघ बीरगांव